/by

Námskeið um æðarrækt og æðardún

Í samstarfi við Ráðgjafarmiðstöð landbúnaðarins og atvinnuvega- og nýsköpunarráðuneytið. Námskeiðið er ætlað þeim sem vilja öðlast réttindi eða viðhalda réttindum sem dúnmatsmenn samkvæmt reglugerð um gæðamat á æðardúni nr. 350/2011 og öllu áhugafólki um æðarrækt, m.a. þeim mörgu sem hafa hugleitt það að hefja æðarrækt.

Æðarræktarfélag Íslands var stofnað árið 1969.

Félagið er búgreinafélag með  aðild að Bændasamtökum Íslands.  Fulltrúi félagsins situr á búnaðarþingi.
Félagar geta þeir orðið sem njóta hlunninda af æðarvarpi og þeir sem  hafa áhuga fyrir æðarrækt og stofnun nýrra varpstöðva.   Félagar eru vel á þriðja hundrað.
Félagið vinnur að því að efla æðarrækt, m.a. með því að:

*   stuðla að rannsóknum, fræðslu og leiðbeiningum um atvinnugreinina.
*   leita leiða til að draga úr tjóni í æðarvörpum af völdum vargs.

Félagið fylgist með sölu á æðardúni og styður við markaðsmál, m.a. með útgáfu kynningarefnis.
Félagið starfar í deildum eftir landsvæðum.